ನಮ್ಮ ಜೈ ತುಲುನಾಡ್ ಸಂಘಟನೆದ ಕುಡ್ಲ ಎಗ್ಗೆ ಉದಿಪನ ಆಯಿಬೊಕ್ಕ ನಮ ಸುರೂತ್ತ ಒಂಜಿ ಲೇಸ್ ಮಲ್ತೊಂದುಲ್ಲ

ನಮ್ಮ ಜೈ ತುಲುನಾಡ್ ಸಂಘಟನೆದ ಕುಡ್ಲ ಎಗ್ಗೆ ಉದಿಪನ ಆಯಿಬೊಕ್ಕ ನಮ ಸುರೂತ್ತ ಒಂಜಿ ಲೇಸ್ ಮಲ್ತೊಂದುಲ್ಲ.

ಉಂದೆಕ್ ಮಾತೆರ್ನಲಾ ಮಾತ ರೀತಿದ ಬೆರಿಬಲ ಬೋಡು.
ವಿಶೇಷವಾದ್ ಆನಿದ ದಿನ ನೆತ್ತೆರ್ ದಾನ ಮಲ್ಪುನ ಕಜ್ಜ ನಡಪರೆ ಉಂಡು.
ಇತ್ತೆದ ದಿನಟ್ ಮಾತಲ ಮನುಷ್ಯ ಗ್ ತಯಾರ್ ಮಲ್ಪರೆ ಸಾಧ್ಯ ಆಂಡ್.. ಆಂಡ ನೆತ್ತೆರ್ ನೊಂಜಿ ತಯಾರ್ ಮಲ್ಪರೆ ಸಾದ್ಯನೇ ಆಯಿಜಿ. ನೆತ್ತೆರ್ದ ಒಂಜಿ ವಿಶೇಷತೆನೇ ಅವ್. ಐಕೇ ನಮ ವಿಶೇಷವಾಯಿನ ಸಂಬಂಧನ್ ನೆತ್ತೆರ್ ಸಂಭಂದೊ ಪನ್ಪ.

ನಮ "ವಸುದೈವ ಕುಟುಂಬಕಮ್" ಪನ್ಪಿನ "ವಿಸ್ವ ಒಂಜಿ ಕುಟುಂಬ" ಪನ್ಪಿ ತತ್ವನ್ ಒಪ್ಪುದು ನಡಪುನಗುಲು.

ಲೋಕಡ್ ಉಪ್ಪುನ ಪ್ರತಿ ಒಂಜಿ ನರಮಾನಿಲು ಆಯಿನ ನಮ ಮಾತ ಒಂಜೇ ಕುಟುಂಬೋ ಪಂದ್ ಆಯಿ ಬೊಕ್ಕ ನಮ ಮಾತೆರ್ಲ ಒಂಜೇ ನೆತ್ತೆರ್ನ್ ಪಟ್ಟೊoದು ಪುಟುದಿನಕುಲು ಅತೇ?
ಅಂಚಾದ್ ಉಪ್ಪುನಗ ನಮಡ ಇಪ್ಪುನ ನೆತ್ತೆರ್ ನ್ ಅಗತ್ಯ ಉಪ್ಪುನಕ್ಲೆಗ್ ದಾನ ಮಲ್ತ್ ಡ ನಮಕ್ ಪಿರ ಜಾಸ್ತಿಯೇ ನೆತ್ತೆರ್ ಉತ್ಪತ್ತಿ ಆಪುಂಡುಗೆ ಅಂಚ ದಾನ ಮಲ್ಪುನ ಒಂಜಿ ಕಜ್ಜನೇ ನಿಜವಾಯಿನ "ಯಜ್ಞ"ಗೆ.
ಅಂಚಾದ್ ಉಂದೊಂಜಿ ಸಾಮಾನ್ಯ ನೆತ್ತೆರ್. ದಾನ ಕಜ್ಜ ಆವಂದೆ ಉಂದು " ನಮ್ಮ ಸಮಾಜದ ಸಾಮಾಜಿಕ ಯಜ್ಞ" ಆವೊಡು ಪನ್ಪಿನ ಎಂಕಲ್ನ ಆಶಯ.

ಅನಪತ್ಯೊಗ್ ಒದಗಿನಾಯೆ ದೇವೆರೆಗ್ ಸಮಗೆ ಅಂಚೆನೆ ನೆತ್ತೆರ್ಲ ಅನಪತ್ಯೊಗೇ ಬೋಡಾಪಿನಿ ಅತೇ?ನೆತ್ತೆರ್ ದಾನ ಮಲ್ಪುನಲ ಖಂಡಿತಾ ದೇವತಾ ಕಜ್ಜನೇ ಸರಿ.

ಅಂಚಿನ ದೇವತಾ ಕಜ್ಜ ಮಲ್ಪರೆ ನಿಕುಲು ಮಾತೆರ್ಲ ಉಂದೇ ಬರ್ಪಿನ ತೇದಿ 10/12/2023 ಐತಾರ ಕಾಂಡೆ 9 ಗಂಟೆರ್ದ್ ಮದ್ಯಾಹ್ನ 1 ಗಂಟೆ ಮುಟ ಬ್ರಹ್ಮಶ್ರೀ ನಾರಾಯಣ ಗುರು ಸಮುದಾಯ ಭವನ ಬಜ್ಪೆ ಮುಲ್ಪ ನಡಪರೆ ಉಪ್ಪುನ "ನೆತ್ತೆರ್ ಉಂಬೊಲಿ" ಪನ್ಪಿನ ಕಜ್ಜಗ್ ಮಾತೆರ್ಲ ಬತ್ತ್ ದ್ ಸಾಕಾರ ಕೊರ್ದು ನಮ್ಮ ಈ ಕಜ್ಜನ್ ಯಶಸ್ವಿ ಮಲ್ಪೊಡು ಪಂದ್ ಬಿನೈತ್ತೊಂದುಲ್ಲ.

ಅಂಚೆನೆ ಆನಿದ ದಿನ ಲೇಸ್‌ನ್ ಪೊರ್ಲುಡು ಮಲ್ಪರೆ ನಿಕಲ್ನ ಒತ್ತುಪಾಲ್(ಉಪಸ್ಥಿತಿ) ಬೋಡು.

(ಪನವುದ ಬೆರಿಸಾಯ ಕೊರ್ಪಿನಕುಲು ಖಂಡಿತಾವಾ‌ದ್‌ಲಾ ಕೊರೊಲಿ‌)

ಸೊಲ್ಮೆಲು ,🙏
ಚೇತನ್ ಅಂಚನ್
ಕಾರ್ಯಂತೆರ್
ಜೈ ತುಲುನಾಡ್ ( ಕುಡ್ಲ ಎಗ್ಗೆ )